ब्रेकिंग

महाराष्ट्र

रेडी रेकनरच्या दरात वाढ

Samruddhi Dhayagude
01 Apr 2025

मुंबई : राज्याच्या नोंदणी व मुद्रांक शुल्क विभागाने रेडी रेकनरच्या दरात दोन वर्षांनंतर सरासरी ३.८९ टक्के वाढ करण्याचा निर्णय सोमवारी घेण्यात आला. ही वाढ आजपासून (मंगळवार) लागू होणार असून यामुळे दुकाने, सदनिका आणि जमिनींच्या किंमतीत मोठी वाढ होणार आहे.

राज्यात ग्रामीण भागात सरासरी ३.३६ टक्के वाढ करण्यात आली असून मुंबई वगळता इतर पालिका हद्दीत ही वाढ सरासरी ५.९५ टक़्के इतकी करण्यात आली आहे. पुणे शहरात रेडी रेकनरमध्ये सरासरी ४.१६ टक्के तर पिंपरी-चिंचवड शहरात ६.६९ टक्के इतकी वाढ करण्यात आली आहे. या वाढीमुळे पुणे आणि पिंपरी-चिंचवड शहरातील घरांच्या किंमतीत मोठी वाढ होणार आहे. रेडी रेकनरच्या दरात मोठी वाढ झाल्याने जमिनींच्या किंमती देखील वाढणार आहेत. यामुळे पुण्यातील घरांच्या किमंती गगनाला भीडणार असून सर्वसामान्यांना घर घेणे आवाक्याच्या बाहेर जाणार आहे. यामुळे मध्यमवर्गीयांच्या खिशाला मोठा आर्थिक फटका बसणार आहे.

राज्यात दरवर्षी १ एप्रिलपासून रेडी रेकनरचे नवे दर लागू केले जातात. त्यानुसार नोंदणी व मुद्रांक विभागाने रेडी रेकनरचे नवे दर लागू केले आहेत. रेडी रेकनरचे दर तयार करताना प्रत्यक्ष नोंदणीकृत व्यवहारांची माहिती गावनिहाय व मूल्यविभाग निहाय एनआयसीकडून संकलित करण्यात करण्यात येते.